يجب شكر كل مصري ومصرية
وجب علينا أن نقول شكرا للسيده الرقيقه اللي وزعت علينا ورد ابيض غالي الثمن النهارده في ميدان التحرير شكرا للفنان خالد الصاوي اللي كان بيهتف في شارع محمد محمود وكأنه شاب في العشرين حريه حريه شكرا لكل شاب وقف النهارده في الطابور بالساعات عشان يتبرع بالدم للمصرين شكرا لكل شاب معاه عربيه نصف نقل وموتوسيكل وتريسكل بيساعد في نقل المصابين شكرا للشاب اللي لسه شايفاه من ساعه صامد وراجل رغم تصفيه عينه اليسري شكرا لل...شاب الل......ي لما شافني دايخ وقاعد علي الارض طبطب علي وقالي انت كويس شكرا للممرضه اللي كانت واقفه جنبي بتتصل بالتليفون وبتقول اعملي للولاد والنبي كيس مكارونه لاني مش حقدر اجي شكرا للمسعف اللي كان واقف جنبي وبيكلم مراته بيقولها انا في التحرير يا وليه ومش عارف هاجي امته خلي بالك من الولاد شكرا للراجل اللي كان بيوزع سندوتشات جبنه وبقسومات مجانا في التحرير وشكرا لكل شخص رش علي وشي ميه خميره مع كل اختناق بيحصلي عاشت عاشت عاشت مصر
ليست هناك تعليقات:
إرسال تعليق