وبيقولو كمان هم دول شباب الثورة ؟؟، دول اللى بنزعل عليهم لما الجيش يسحلهم ويعريهم ؟؟، دى بنات محترمة ؟؟ ..
أكيد شوفت الصورة دى كتير بما انها منتشرة بشكل مفزع على شبكات التواصل الإجتماعى، وأكيد سمعت تعليقات يقشعر لها البدن (زى التعليق اللى فوق ده) وماعرفتش ترد تقول ايه ..
أولا: اى حد تشوفه ناشر الصورة دى ومعلق عليها بالكلام ده اعرف انه شخص من ثلاثة :
1- أمن دولة - لجنة إلكترونية - فلول - معادى للثورة
2- ضحية غسيل مخ لمدة سنة كاملة
3- أهبل
ثانيـًا: الصورة لفتاة "باكستانية" نشرت على الإنترنت بتاريخ 31 يناير 2010 .. ولك أن تتأكد بنفسك
*نتيجة البحث في جوجل
http://is.gd/QyM5IV
*أول ناشر للصورة
http://is.gd/BXdrVb
----------------------------------------
وبصفه عامه ،،
ايه علاقة أن واحدة تتسحل من شرطة أو جيش ولا تتحبس لأسباب سياسية بكونها
بتتعاطى حشيش دا يعنى لو حد من الثوار بيتعاطى حشيش ؟؟
بتتعاطى حشيش يتقبض عليها وتتحاكم قدام محكمة عادلة وتاخد الحكم المناسب. لكن بأي حق يتقبض على شخص ويتعذب وتمتهن كرامته بدون حق وبدون حكم محكمة. ليه المخطئ في البلد دي الناس من حقها تعمل فيه كل اللي هيّ عاوزاه وكأنهم أنبياء أو ملايكة معصومين من الخطأ !!!!!!
وبعدين أصلا كون حد يثور على نظام ظالم أو حاكم ظالم ده مش معناه انه ملاك منزل من السما يعنى ، ومش معنى ان لو حد بيعاطى مخدرات إنه لو مظلوم فى بلده مش من حقه يطالب بحقه ،، يا سلام دا ايه العدل بتاعكم ده ؟!!
طالما الثائر ده بيطالب بحقه محدش فيكم يفتح بقه سواء بقى بيشرب سجاير بشرب خمره بتاع حشيش بتاع نسوان ، او أى حاجه ،، انت مال اهلك بحياته الشخصيه ؟!! هوه حر حتى لو عاوز يولع فى نفسه ، انت مال اهلك ؟!!!
مش عاوز بقى حد يقولى شوف ثوار مش عارف بيعملوا ايه ، شوف 6 ابريل مش عارف بيعملوا ايه ،، ودا على أساس ان الثائر مكتوب على وشه ثائر و6 ابريل مكتوب على وشهم 6 ابريل !! ،، هو يعنى أى هبل وخلاص .
افهموا بقى جاتكم القرف ،، مش اى حد يقولكم أى كلام تصدقوه .
ختاما ،، حرام عليكم خربتوا البلد
ليست هناك تعليقات:
إرسال تعليق