كان نفسنا تفضل ديما كبير
وتكون قائد عظيم لشعبك الأصيل
كان نفسنا تناصر القضيه
وتقف مع الغلابه وتساعد الفقير
كان نفسي تحس يوم بكثرة الهموم
متزعلش صبرنا عليك كتير
شعب مصر عمرة مكان يوم ذليل
بس انت خدعتنا بكثرة الكلام
وكذبنا نفسنا..... وقلنا بكره الحقيقه تبان
ده واحد مننا والنداله مشطبعنا
بس انت حكمتنا بقبضه من حديد
و قلنا خلاص كبر وهيجي رئيس جديد
لقيناك عامل وصيه مصر للعيال
لو علاء مشعاوزها ادوها للواد جمال
قلنا نثور عليك ونطالب بالعداله
لقيناك عنيد متجبر وفي طبعك النداله
وبعت البلطجيه بطريقتك الزباله
وبعد مكانت مطالبنا ديموقراطيه وعداله
قلنا لازم يمشي مبنحبش النداله
وجمعه بعد جمعه كنا نزيد اصرار
وبعندك وكبريائك وقعت زي الفار
ربك عطاك الحكم ونزعه من إديك
وحلم التوريث خلاص راح عليك
إلبس يا ريس ... وشوف محامي لجمال
وألا خليك في نفسك جمال صايع كبير
في السجن هيتعلم هناك دروس كتير
والتاريخ هيكتب انك كنت خاين
وانك عميل امريكي بتساعد اسرائيل
أخطائك كتير يا ريس باليل وبالنهار
والا نسيت غزه وجريمة الحصار
وديما تخاف يا ريس من وهم الامريكان
كنت واطي ومطاطي ويقولوا عليك سياسي
بلاش نعيد ونزيد ونلبخ في الكلام
الشماته مشطبعنا وربك حليم ستار
ونفسي تعيش في عهدنا الجديد
وتشوف بعنيك فرحة الانتصار
وتعرف ان القوة مش دايما بالسلاح
وان القوة دايما في وحدة صفنا
وان صوت الحق من قوة الجبار
لو كنت صحيح سياسي كان إتلم شملنا
الفرقة أهلكتنا أكثر من أي نار
واخواتنا كرهونا من كتر ما انحنينا
من الذل كتير شربنا ولبسنا ثوب العار
دلوقتي رفعنا راسنا بثورة الاحرار
لكن في النهايه انت لسه عايش
وبسبب وضعك الشعب كتير محتار
ناس تقول نسامح عشان راجل كبير
وناس تقول أشنقوة ده عقابه النار
والفتنه كل يوم عماله تزيد شرار
طب متخليك شجاع في مواجهة المصير
أخرج وواجه شعبك وقدم اعتذار
وسيبك من التمارض والنوم في السرير
وأطلب عفو وسماحه ورحمه من الغفار
يمكن يتوب عليك ويرحمك من النار
ليست هناك تعليقات:
إرسال تعليق